Lyerje Makinash Durres
Që të keni një ide më të saktë sesi punohet me një makinë e cila mund të ketë nevojë thjesht për një lyerje apo dhe më shumë gjëra, le të përshkruajmë më mirë proçeset bazë të punës:1. Fërkim
Pjesa e dëmtuar pasi është drejtuar, gërryhet mirë, që çdo cep i sipërfaqes që do stukohet, duhet të jetë e pastruar (me letër 80she ose 100she). Pra duhet të hiqet boja e dëmtuar, për të pastruar llamarinën nga ndryshqet, apo gjëra të tjera që mund të ketë.
2. Stukim
Përpara se të fillojmë stukimin i bëjmë dhe një pastrim. Përziejmë stukon me katalizatorin, përpara sesa të fillojmë aplikimin e saj te llamarina, duke e stukuar sipas formës që ka makina.
3. Fërkim - Zmerilim
Hapi i tretë është fërkimi ose zmerilimi i cili bëhet më dorë ose me makineri, mbi pjesët ku kemi bërë stukimin.
4. Astari
Astari lidh llamarinën me stukon dhe me bojën që hidhet sipër dhe mbulon gërvishtjet apo vijat që mund të kenë ngelur gjatë fërkimeve të mëparshme.
5. Fërkim - Qërim
Gjithë sipërfaqja që do lyhet, gërryhet fërkohet dhe lëmohet mirë. (ky proçes njihet dhe si qërim). Ky proçes zgjat derisa sipërfaqja që do lyhet të jetë gërryer plotësisht, dhe të ketë ikur plotësisht shkëlqimi.
6. Lyerje me pistoletë
Izolojmë xhamat, rrotat dhe pjesëve që nuk do lyhen, dhe më pas bëjmë lyerjen me pistoletë.
7. Luçidim
Korrigjimi i ndonjë difekti të mundshëm gjatë lyerjes bëhet me luçidim. Jo të gjitha makinat kanë nevojë për luçidim.
Në fund... i fusim një leckë dhe makina është si e re... :)